“Хурд” хамтлаг эмэгтэйчүүдийн эрхийг хамгаалах өдөр (2020.03.08) “Буцааж нэхэхгүй хайр” тоглолтоо онлайн орчинд зохион байгуулж, хандивын аян өрнүүлэн шууд тоглолтоос олсон орлогоо Улсын онцгой комисст хандивлахаа мэдэгдсэн билээ.
Тоглолт нийт гурван цаг 30 минут үргэлжилсэн бөгөөд нэгэн зэрэг 503 мянган хүн үзэж, 246 сая төгрөгийн хандив цугласныг “Хурд” хамтлагийн гишүүд улсын онцгой комисст хүлээлгэн өгсөн. Цар тахлаас урьдчилан сэргийлэх арга хэмжээнд зориулан хандивын аян өрнүүлсэнд Нийслэлийн иргэдийн хурлаас талархал илэрхийлэн “Хурд” хамтлагт Хангарди одон гардуулан өгөв.
