43930_1240x800_0

ОПЕК олборлолтоо танаснаас газрын тосны үнэ өсөв

Саудын Араб тэргүүтэй ОПЕК түншүүдийнхээ хамтаар он дуустал хязгаартай олборлолтоо үргэлжлүүлэхийн сацуу хомсдол үүсэхээс сэргийлэхээ ойлгуулсан нь газрын тосны үнийг өсөхөд хүргэлээ.

Өнгөрсөн долоо хоногт 1.8 хувиар үнэд орсон Brent фьючерс шинэ долоо хоног гармагц дахиад 1.3 хувиар өсөв. Олборлогчдын бүлэг үйлдвэрлэлээ танах “чиглэлээ хэвээр баримтлах” нь зүйтэйг Жедда хотноо хуралдсан хуралдаан дээр Саудын Арабын Эрчим хүчний сайд Халид Аль-Фалих санууллаа. Харин ОХУ-ын Эрчим хүчний сайд Александр Новак ирэх сард нөхцөл өөрчлөгдөх аваас олборлолт өсгөх асуудлыг хэлэлцэх саналтай байлаа.

АНУ, БНХАУ-ын хоорондох худалдааны зөрчил хурцдаж, зах зээлд эрэлт буурах түгшүүр нэмэгдсэний улмаас олборлогчид гарцаа танацгаасан. Дүнд нь он гарсаар газрын тосны үнэ 40 хувиар өсөв. Саудын Араб тэргүүтэй олборлогчид газрын тосны үнийг хэвээр хадгалах, Ойрх Дорнод дахь геополитикийн эрсдэл болон Ливи, Венесуэл, Ираны нийлүүлэлт тасалдсантай уялдаатай нийлүүлэлтийн тасалдлыг нөхөх хоёрын дунд тэнцвэр бариулахаар чармайж байна.

~ОПЕК олборлолтоо танаснаас газрын тосны үнэ өсөв~

“ОПЕК газрын тосны одоогийн үнийг хэвээр хадгалж, эрэлт, нийцүүлэлтийн тэнцвэр бариулаасай гэж хөрөнгө оруулагчид хүсээд байгаагаас үнэ өссөн”-ийг токио дахь Японы Газрын тос, Шатдаг Хий, Металлын Корпорацын эдийн засагч Такаюки Ногами тайлбарлав. “ОПЕК-ийн уулзалтаар шинжээчдийн таамаглаж байсан шийдвэр гаргасан ч зургадугаар сард баримтлах байр суурь тодорхойгүй хэвээр” хэмээн шинжээч анхааруулав.

Зургадугаар сард нийлүүлэх West Texas Intermediate фьючерсийн үнэ даваа гарагийн өглөө Нью-Йоркийн таваарын биржид 1.05 центээр өсөж, баррель нь 63.81 ам.доллар боллоо. Гэрээний үнэ өнгөрсөн долоо хоногт мөн 1.8 хувиар өссөн юм.

Долдугаар сард нийлүүлэх Brent-ийн үнэ лондонд төвтэй ICE Futures Europe биржид 1.07 центээр өсөж, баррель нь 73.28 ам.доллар хүрлээ. Брентийн фьючерсийн үнэ долоо хоногийн  өмнө мөн 2.3 хувиар өссөн.

Тегеранд тавьсан АНУ-ын хоригоос хойш Персийн булангийн улсаас их хэмжээний газрын тос хэдийн зөвшөөрөлгүй гарсан тул ираны үйлчлүүлэгчдээс шалтгаалж эрэлт өсөж шалихгүй хэмээн Саудын Араб үзэж байна.

Өмнөд Иракийн бүс нутагт аюулгүй байдал хэвийн байхад Exxon Mobil Corp газрын тосны ордоос 80 орчим ажилчнаа нүүлгэн шилжүүлэхээр шийдсэн нь “зөвшөөрч боломгүй үйлдэл” хэмээн Багдадын Эрчим хүчний сайд анхаарууллаа.

Алжирын газрын тос, шатдаг хийн олборлолт улс төрийн хямралт нөхцөлд ч хэвийн үргэлжилж байгааг Эрчим хүчний сайд нь мэдэгдэв.

Ачаалж байна
Зочны үнэлгээ
0 (0 votes)

Сэтгэгдэл бичих