Төв аймгийн Заамар сумын нутаг дахь “Эко Алтан Заамар” компанийн ил уурхайд нуралт үүсч, осол гарсны улмаас дөрвөн хүн шороонд дарагдаж алга болсон. Тэр дөрвөөс хоёрыг нь онцгой байдлын алба хаагчид олж, цогцсыг гаргаад байна.
Тэгвэл тус уурхайд гарсан ослын шалтгааныг тогтоожээ. Энэ талаар МХЕГ-ын дэд дарга Д.Энхсайхан “Эрүүгийн хэрэг үүссэн учраас хэргийн талаар дэлгэрэнгүй ярих боломжгүй. Гэхдээ ослын шалтгааныг тогтоосон. Ослыг бүртгэх, судлах комисс одоо хэргийн газар ажиллаж байна. Аврах ажиллагаатай зэрэгцээд хяналт шалгалт давхар явагдсан. Олон зүйл тодорхой болсон ч хэрэг мөрдөн байцаалтын шатанд байгаа учраас нарийн мэдээлэл өгөх боломжгүй. Прокурор та ийм хэмжээнд ярьж болно гэвэл ярина” гэв.
Онцгой байдлын албанаас хөрсний нуралт үүссэн гэж байгаа баттай эх сурвалж мэдээллийг нууцалж байгаа нь олон нийтэд эргэлзээтэй байдлыг төрүүлж байгаа юм.
