baatarhuu-tsagdaagiin-eronhii-gazar-medeelel

Цагдаагийн алба хаагчид хүний аминд хүрсэн эсэхийг тогтооно гэв!

Цагдаагийн алба хаагчид хүний аминд хүрсэн тухай мэдээлэл цацагдаад байгаа талаар ЦЕГ-ын хэвлэл мэдээллийн төвийн дарга, цагаагийн дэд хурандаа Б.Баатархүү тайлбар өглөө.

Тэрээр “Юуны өмнө талийгаачийн ар гэрт эмгэнэл илэрхийлье. Хэрэг мөрдөн шалгах ажиллагаа явагдаж байгаа. Хохирогчид гадна биеийн үзлэгийг өчигдөр хийсэн. Задлан шинжилгээ Улаанбаатар хотод хийгдэнэ. Тиймээс амь нас хохирсон шалтгааныг тайлбарлах боломжгүй.

Төв аймгийн Угтаалцайдам сумын хүн эмнэлэгт 2019.09.23-ны өдөр 19.40 цагт хүн нас барсан байна гэх дуудлага мэдээлэл цагдаагийн байгууллагад ирсэн. Дуудлагын дагуу Мөрдөн байцаах албаны тусгай субьектын үйлдсэн гэмт хэргийг мөрдөн шалгах хэлтсийн ахлах мөрдөгчөөр ахлуулсан прокурор шинжээч эмчийг оролцуулсан бүрэлдэхүүн хэргийн газарт очиход 62 настай Г нас барсан байсан.

Өчигдөр хэвлэл мэдээллийн хэрэгслээр тухайн үед болсон явдлын талаар талийгаачийн ар гэрийнхэн мэдээлэл өгсөн байна. Гэхдээ цагдаагийн эх сурвалжаас мэдээлэл авч чадаагүй учраас зөрүүтэй тайлбарууд хийсэн байна гэж үзэжн юу болсон талаар товчхон мэдээлэл өгөхийг зорилоо. Гэхдээ хэн нэгэн хүнийг хамгаалах гэсэн зүйлгүй гэдгийг хэлье.

Төв аймгийн Цагдаагийн газрын Заамар сумын ахлах мөрдөгч, цагдаагийн хамтаар ажил үүргээ гүйцэтгэж явсан. Хулгайн гэмт хэрэгт сэрдэгдсэн 14 настай хүүхдийг зам шалгалтаар буюу тайлбар мэдүүлэг аваад явж байхад нь тус сумын нутагт гар хөл нь цус болсон хүн дэлгүүрийн үүдэнд орилж, хашхирсан байдалтай харагдсан. Улмаар цагдаагийн хоёр алба хаагч очиж шалгахад Г гэгч иргэн согтууруулах ундааны зүйл хэрэглэсэн үедээ тээврийн хэрэгсэл жолоодож явсан нь тогтоогодсон. Гар, хөл нь цус болсон нь үхэр гаргачихаад ажилчдынхаа хоолыг бэлтгэхээр явж байсантай холбоотой байсан.

Цагдаагийн алба хаагчид тухайн иргэнийг авч яваад сумын цагдаагийн хэлтэст хүргэн согтууруулах ундааны зүйл хэрэглэсэн асуудал дээр нь шалгалтын ажиллагаа явуулж шалгана гэхэд цагдаагийн алба хаагч иргэн хооронд маргаан үүссэн байна. Цагдаагийн хэлтэс рүү авч явах хугацаанд мөн эсэргүүцэлтэй тулгарсан. Энэ үед хохирогчийн биеийн байдал муудаж эмнэлэг рүү хүргэж өгсөн гэсэн тайлбар мэдүүлэг өгсөн. Бид хэргийг тал бүрээс нь нарийн шалгах болно. Хэн нэгнийг өмгөөлөх биш хэргийн бодит үнэнийг тогтоох нь цагдаагийн байгууллагын үүрэг. Задлан шинжилгээний хариу гарсны дараа үхлийн шалтгаан тодорхой болно.

Хоёр цагдаа хаячихаад зугтсан гэх асуудал яригдсан. Үүнийг тодруулахад тухайн алба хаагчид хохирогчийг эмнэлэгт хүргэхэд дөрвөн залуу хүрч ирээд биед нь халдсан асуудал байгаа. Ахлах офицерийн толгой хавдсан, автомашин жолоодож явсан цагдаагийн алба хаагчийн тархи хагарсан мэдээлэлтэй бйна. Цагдаагийн байгууллага холбогдох хууль тогтоомжийн хүрээнд үүнийг шалгана.

Мөрдөн шалгах хэлтэс дээр хэрэг бүртгэлийн хэрэг нээн мөрдөн шалгах ажиллагааг эхлүүлсэн байгаа. Бүх асуудал хуулийн хүрээнд шалгаж шийдвэрлэгдэнэ” гэлээ.

Ачаалж байна
Зочны үнэлгээ
0 (0 votes)

Сэтгэгдэл бичих