БНХАУ аюулгүй байдлын асуудлуудыг зохицуулах үүднээс жилд 300 мянган тонноос бага хэмжээний нүүрс олборлодог уурхайнуудынхаа тоог 2021 он гэхэд 800 хүргэж бууруулахаар төлөвлөж байна.
Үндэсний хөгжил, шинэчлэлийн хорооны тайланд дурдсанаар, аюулгүй байдал, ажлын байрны орчны стандартыг хангаагүй уурхайнуудын үйл ажиллагааг зогсоохын зэрэгцээ зарим уурхайд олборлолтоо нэмэгдүүлж, аюулгүй байдлын стандартыг сайжруулах чиглэлд тусламж үзүүлэх ажээ.
2018 оны эцсийн байдлаар Хятадад үйл ажиллагаа явуулж буй нүүрсний уурхайнуудын тоо ихээхэн буурч, 5800 хүрсэн тухай тус улсын Үндэсний нүүрсний холбооны тайланд мэдээлжээ. Түүнчлэн тэдгээрийн жилийн олборлолтын дундаж хэмжээ 920 мянган тонн болж нэмэгдсэн байна.
